[荒廢的花園]
[借問]
[頭擺的事情]
[大戲]
[問卜歌]
[無共樣個人]
[水泥山]
[細姑仔按的名]
[美濃山下]
[反水庫之歌]
[耕田人]
荒廢的花園
詞曲唱/顏志文 友善的狗製作 滾石唱片發行
下晝的日頭對西片的樹山照入來
屋門口的茄苳樹上勞嗶仔跳上跳下
禾埕前的花園菅草生到人恁高
屋簷下的燕仔窩做到大門邊
荒廢的花園 這些人到底走哪位
荒廢的花園 怎般無人來打掃
早到的秋風對北片的河壩吹入來
廳下背的苦苓樹頂伯勞孤孤單單
禾埕上的燥樹葉 風來吹到滿天飛
簷頸下一隻貓仔無人來睬佢
下晝：下午
對西片：從西邊
樹山：森林
勞嗶仔：麻雀
菅草：芒草
恁：如此
簷頸下：屋簷下的走廊
借問
詞曲唱/顏志文 友善的狗製作 滾石唱片發行
借問這位阿哥 這條路要通哪裡
借問這位阿嫂 怎般轉去我的老屋下
借問這位阿伯 河壩怎會無水流
借問這位阿母 這頭榕樹怎會倒下去
我想轉去我的老屋下 唔知要怎般行
我想再看到我的老故鄉 已經都認唔識
承蒙這位阿哥 帶我來轉家門
承蒙這位阿嫂 唔笑我唔識路
轉：歸
承蒙：謝謝
頭擺的事情
詞曲唱/陳永淘 即將發行
南門崁下牛眼樹頂的蟬光 歸日叫嚷嚷
阿山頭每日掌牛苦苓樹下 獨目睡
ㄣ兜猴子遠遠看到 就愛罵佢
阿山頭東邊出日頭 西邊渡船頭
供個賴仔 沒骨頭
頭擺的事情 頭擺 你還記得無
走呀走 快快走 該係被佢撒到就死沒命
大家皮爬屹刻 獨得一身 南溝煤
阿山頭 目睡摸瞎 喝喝哆哆 飆起來追ㄣ你
該猴子一下泄到沒半個 才看到牛牯也打ㄌㄨㄣ
阿山頭的牛牯打ㄌㄨㄣ 飆來飆去飆到渡船頭
牛牯沒落潭肚搞水歡喜落與無回頭
阿山頭打淨屌 嘴開開笑到彎彎的嘴角像牛角
泅上沐下挑挑去摸該
旅社來搞水的 細妹的乳姑頭
頭擺的事情 頭擺 你還記得無
打赤腳發爛疤 小孩個個撿蛇打蟈晒的發臭頭
該芭仔食到屙硬屎 灌土狗坑蕃薯 滑臭屁
蝦公毛蟹鯽魚壩哥 河壩盡多唔識愁
睹到鵝仔會啄人 大家捻屌庄下 走到尾泄屎
覓蜆的時節 ㄣ你衫褲落忒 涼涼打清屌
好得不係覓裸貝仔 該唔睹好 夾到就阿媽哀
阿媽哀 羊公入孔 沒判到 會拔到大水蛇
害我嚇到打光麥 屁股壓死一隻青眼跛腳的老蛤蟆
頭擺的事情 頭擺 你還記得無
歸日：整日
獨目睡：打瞌睡
ㄣ兜：我們
供個賴仔：養個兒子
頭擺：從前
撒到：抓到
南溝煤：爛泥巴
喝喝哆哆：呼喝大罵
ㄣ你：我們
泄：逃
搞：玩
打淨屌：脫光光
乳姑頭：乳頭
灌土狗：灌蟋蟀
唔識愁：不必愁
睹到：遇到
捻屌庄下：遮住小雞雞
大戲
詞曲唱/陳永淘 即將發行
遠遠我聽到廟坪做大戲
當當式田蒐草無閒 阿媽唔分我去
耳公強強分該咿咿喔咿的弦仔挨著去呀
害我一身弱削腳頭改到田唇去呦
咚咚隆冬 嗆咚七咚 咚咚隆冬 嗆咚七咚嗆
嗆咚隆咚 七咚七咚 嗆咚隆咚 七咚七咚嗆
遠遠我聽到廟坪做大戲
聽講裡擺係老戲班 該一定當生趣
心肝騰該銅鑼叮咚叮咚響呀
阿媽發怒鎖門唔知我會爬雞廄
遠遠我聽到廟坪做大戲
甘願一身雞屎 河壩洗淨才來去
三步腳做兩步一步 月光照路 走著去呀
頭齣沒赴到 好得還有第二齣戲
關老爺睹到花面的壞人 ㄔ來ㄔ去
棚下阿蘭姐特別打扮靚靚笑瞇瞇
呂布面前貂蟬面頰紅紅媱吱吱
抓賭狗的警察煞看到憨神唔記得去
台前做大戲 後台化妝換衫也生趣
大人細人無係嘴勻勻就笑嘻嘻
張飛攬一個哭到沒聲的細人喏 麼人個？
哎歐 高毛夭壽 害你婆險險尋死
田唇：阡陌
裡擺：裡面
ㄔ來ㄔ去：殺來殺去
賭狗：賭博
麼人個：什麼人
高毛夭壽：罵人的話
問卜歌
詞曲唱\謝宇威 水晶唱片製作發行
今夜是汪汪的月光
月光恁靚一切不如昨
啊 觀音佛祖 媽祖娘娘
義民爺爺 弟子請問啊
今夜又是炎炎的端陽
稼埕唱山歌的阿伯今何在
啊 觀音佛祖 媽祖娘娘
義民爺爺 弟子請問啊
今夜又是舒爽的中秋
公廳講古的叔婆今何在
啊 觀音佛祖 媽祖娘娘
義民爺爺 弟子請問啊
今夜又是難得的上元
你屋下的人到哪去
上班的上班 賭博的賭博
簽牌的簽排 湯圓沒得吃哪
無共樣個人
演唱\蔡孟甫 詞曲\黃連煜 漢興唱片製作發行
又回到了老地方
離家十過年
共樣個日頭
共樣個地泥
共樣個山歌
共樣唱無停
又回到了老地方
無共樣個人......
個：的
共樣：一樣
水泥山
演唱\蔡孟甫 詞曲\黃連煜 漢興唱片製作發行
日頭辣辣辣到心肝畢壢又畢壢
就像一隻跛腳又緊跳的草蜢
該無情的喇叭就像寒天的風恁冷
我實在毋知早就來到這水泥山
想起當時八卦胸前拍到滿滿
想起當時立志愛賺幾百萬
無想到前無賺到煞弄成腳跛跛
我實在毋知早就來到這水泥山
水泥山呀水泥山
今補日來到一個大憨伯
佢知橫打直撞的試金石
佢知珍珠無洗就毋會白
日頭辣辣：日頭熾烈
畢壢：迸裂
緊跳：一直跳
今補日：今天
煞：反而
大憨伯：大傻瓜
細姑仔按的名
詞曲唱\蔡孟甫 漢興唱片製作發行
毋知幾久毋視聽人喊我這個名
鄉下搬來台北也無知幾多年
還細親戚朋友也無麼該共下
再無人喊我這細姑仔按的名
毋知幾久毋視聽人喊我這個名
好在這下大家毋知這個名
從細到今實在學無半撒
好在這下無人喊我這細姑仔按的名
阿江仔......
毋知幾久毋視聽人喊我這個名
鄉下搬來台北也無知幾多年
希望還有機會再回到ㄣ個鄉下
再聽人喊我這細姑仔按的名
阿江仔......
毋識：不曾
這下：現在
按：取
學無半撒：學無所成
美濃山下
詞曲唱\林生祥 尚未發行
一山來連一片山 美濃山下好山光
田坵一坵過一坵 美濃山下好所在
義民帶領來開庄 土地伯公來保佑
祖先辛苦來做田 出汗流血無相關
美濃山下好地方 世世代代要來傳
反水庫之歌
演唱\林生祥 詞曲\陳冠宇 尚未發行
颱風啊要啊來起大風嘍
月光山下喂人喔 還是站得好好
不會分伊嚇到
官爺喔要呀來起水壩喔
美濃山下喂人喔 還是站得好好
不會分伊來做
耕田人
詞曲唱\林生祥 尚未發行
我的阿公今年七十零
每次下田做事 還像一個老後生
兒仔妹仔假假走清清
只剩阿爸 跟著阿公繼續做農家
我的阿公有田一甲零
種禾種菸種香蕉 好地好泥生得靚
種成東西沒一個有好孔
出汗流血全全浪清清
我的阿爸 認命的耕田人
每日夾上夾下 一年到頭難得閒
沒日沒夜 永遠的勞碌命
再衝再拼 相同不會贏
耕田人（哪哎呦） 可憐沒人知
耕田人（哪哎呦） 苦戰沒人來惜呀
耕田人（哪哎呦） 官爺屌你去死呀
耕田人（哪哎呦） 沾到泥的悲哀呀
我的阿母鄉下婦人家
伊說我們啊 不好再來耕田啊
好好讀書還有些希望啊
書讀不贏 歸氣和你打死清清
回到故鄉
回到故鄉
回到故鄉