客家諺語、俗語

 師父話打嘴鼓一 

角色

阿聖仔lau阿良頭
阿聖仔→市場豬肉販
阿良頭→鬱卒人

    有一日,阿良頭到市場底肚買菜

阿聖仔:良頭,今晡日樣恁煞猛no?
阿良頭:無辦法啊!哺娘轉妹家e啦!屋家細偶仔總愛食哩
    。
阿聖仔:兩公婆冤家係無?
阿良頭:佢怨ngai做生理毋認份,結果錢分人騙淨淨,半
    滴無賸, 連買菜介錢都愛lau人借,哺娘又走忒。
阿聖仔:還才過喔!
阿良頭:ngai lia下有目珠噭無目汁,像一隻七月半介閹
    雞共樣。
阿聖仔:毋怕啦!你係衰鳥仔堵到長銃定定,死一擺,總無
    死兩擺,老古人講:三年水流東,三年水流西。還
    驚夭死人me?
阿良頭:只有恁樣想e,ngai還想選總統咧!奈有恁簡單
    就vang下來,著無?
阿聖仔:來!lia豬肉、豬腳lau豬腸你拿轉去食,毋使錢
    e,算ngai請你介!
阿良頭:樣會恁好?
阿聖仔:反正乜賣毋出去,毋食乜打爽!
阿良頭:你老實講,係不係有口蹄疫e?
阿聖仔:你莫無影無跡亂講,ngai使有CAS ne!

諺語解釋

有目珠噭無目汁:悽慘;傷心到底
七月半介閹雞:死期到了。
衰鳥仔堵到長銃:運氣不好
死一擺,總無死兩擺:毋使驚;有麼介好驚。
三年水流東,三年水流西:命運輪流轉,毋使忒歡喜,乜毋
            使忒灰心。
無影無跡:全無根據,講好漦e。

回目錄