客家諺語、俗語
阿聖仔：唉……苦惱啊！
阿良頭：阿聖仔！為到麼介事情恁苦惱？
阿聖仔：唉！無米兼潤月啊！苦惱啊！！
阿良頭：講來聽看看啊？無定涯做得幫忙你勒！
阿聖仔：唉！就係上擺涯為到愛省一些錢，就去買人畜死介
豬仔來賣，恁樣卡賺有錢啦！
阿良頭：你係講病死豬……？
唉喔！你樣恁絕代諾？好得涯無出事情！
阿聖仔：涯這下分人告到法院去勒！你就莫緊念涯啦！涯也
係為到生活啊！
阿良頭：你喔……河邊洗黃連啦！知知做毋得介事情還愛去
做。
阿聖仔：…啊…正經苦惱啊！
阿良頭：阿公唔做，做人介孫仔！生理係加減做加減賺介，
你自家又愛著蓑衣來救火，恁冤枉做麼介？
阿聖仔：你正經無愛睬涯喔！
阿良頭：涯係泥伯公過河，自家哺娘都未轉來勒！無恁大神
氣睬你啦！
阿聖仔：唉…求人唔當求自家，下二擺唔敢勒，苦惱啊！
諺語解釋
無米兼潤月：屋漏偏逢連夜雨介意思。
河邊洗黃連：何苦（河苦）之意。
阿公唔做，做人介孫仔：賤骨頭之意。與「有轎唔坐，甘願行」相像。
著蓑衣救火：惹火上身；自找麻煩。
泥伯公過河：自身難保。
