客家諺語、俗語

　師父話打嘴鼓三　

阿其妹：阿良，你介孻仔今年幾多歲勒？
阿良頭：十七囉！
阿其妹：係喔？看你又唔會老哩！明年做得做家官勒！
阿良頭：介……隻屙屎唔知風向介人，唔使指望佢啦！
阿其妹：做麼介恁樣形講自家供介孻仔諾？
阿良頭：唉！唔讀書又唔做事，歸日撈介兜砧板狗共下遊遊
　　　　野野滿奈走！無效ㄟ啦！
阿其妹：唉！正經，這下介後生人唔知到底樣般形想ㄟ，爺
　　　　哀講又唔通啦！涯看喊你介孻仔先去做兵好勒！
　　　　無定著做兵轉來就卡會想勒！
阿良頭：佢喔？等勒！人喊唔行，鬼仔牽等弄弄行ㄟ人，佢
　　　　還會聽涯介話乜？一隻耳孔入，一隻耳孔出啦！
阿其妹：唉！好種唔傳，壞種唔斷！…喔，涯係講阿聖仔啦！
阿良頭：唉！雜種啦！……涯係講涯孻仔啦！
阿其妹：涯看佢可能係落水天出世介……
阿良頭：落水天？無啊？那有落水？
阿其妹：無啦無啦！涯愛來去轉勒！

諺語解釋

屙屎唔知風向：還嫩。不知天高地厚，乳臭未乾。
砧板狗：酒肉朋友。圍在砧板（切菜板）旁的狗；切肉就來。
遊遊野野：遊手好閒。
人喊唔行，鬼仔牽等弄弄行：願與壞人同流合污之意。弄弄行就係
　　　　　　　　　　　　　很起勁得往前走。
好種唔傳，壞種唔斷：發現有缺點時常會這麼說。
落水天出世介：朽子弟，即不肖子弟。